di Francesco (Franco) De Luca
A terra a maggio è arsa
pecché nun chiove ‘a marzo
e u sole stregne i surche
ind’ a na morsa.
Ma chello ca s’aspetta
è ancora chhiù cucente
pecché a staggiona bella
spacca a terra ‘i seccareccie.
Na chiuvuta a maggio
porta sullievo a terra,
addefresca i radice, sustene
i piantecelle.
Chesta è na lezzione ca ce
vene da i campagnuole:
tutto chello ca nun s’aspetta
e porta vantaggio
è comme n’ acqua
‘i maggio.
Di seguito il proverbio detto con la voce di Franco
(clicca qui per ascoltare)
