di Francesco De Luca
Ce chiammeno…
Ce chiammeno i giuvene d’ a Mmaculata…
e simmo quatte viecchie
struppiate dall ‘ anne e da i malatie.
Ce cuntammo ‘ncopp’a na mano
pecché i cumpagne ce hanno lasciato pe via.
A uno a uno venimmo meno,
sempe cchiù addulurate,
sempe cchiù ncurvate.
Eremo na brigata
ca faceva piacere a vvedé,
Accucculiate (1) vecino a statua d’a Madonna,
l’otto ‘i dicembre,
cu ogne tiempo:
friddo, acqua ‘i cielo, viento.
‘U paricchiano (2) ce deve ‘ a vviata
e nuie appriesso:
chesta è santa sta iurnata…
Canzone cantate c’u core,
passanno p’ i vvie d’u paese
ca dorme ancora.
Arricuordete oì Punzese
chisto è ‘u iuorno
l’ otto ’e mese.
‘A chiesa illuminata
comme nu faro ind’ nuttata,
e i feneste ca s’ appiccieno
a una a una
e pareno lampare ind’ u mare.
Viecchie e avvelute
c’u core d’ uno nnammurato,
chiste sò ogge
i giuvene d’ a Mmaculata.
Una foto d’epoca d’i giuvene d’a Mmaculata con il parroco Luigi Maria Dies
… ed una più recente in un’alba dell8 dicembre
Note: 1 – raccolti; 2 – parroco
Questa le versione recitata:
