di Francesco De Luca
‘U menabanno
‘U puorto… che porta?
Nu sacco e na sporta!
Attappa i vocche…
ienche i sacche…
ammasa i varche…
assicura attracche.
I Furnise addeventano signure…
i signure ‘i fore addeventano Furnise…
S’ammescheno i lengue…
se scagneno i cammise.
Chi era piscatore
addeventa ormeggiatore…
chi affittava i lanze
addeventa omme ‘i panza.
‘U puorto porta ricchezza:
turiste,
spesa,
guadagno
e munnezza.
Niente cchiù nasse…
niente cchiù rezze.
‘U bisenisse affitta ‘i case,
i bar,
i ristorante.
Regna ’a bbunnanza…
se cancella ‘a gnuranza.
Nu sacco e na sporta
porta ‘u puorto!
Popolazzione…
facimmo attenzione…
sta arrevanno Boffacazone…
Si sfotte ‘u buttone d’ a vrachetta
chello ca vedimmo
è ‘n’ operetta…!
Questa la versione recitata
