di Francesco De Luca
Facile è parlare di destino, difficile vederne il decorso, impossibile prevederlo.
Ma quando l’intero complesso dei fattori che girano, si complicano, si sviluppano intorno a ciò che si muove intorno a noi, appare mirare ad una meta precisa, allora l’azzardo si rischia. Dal fondo la voce si consolida.
‘A luntano
Pare tutto bello,
’ a luntano
’ nse noteno crepe,
baracche,
mure spaccate,
ciardine abbandunate.
’A luntano
’a ggente
pare ’ndaffarate
’a cunto suie:
i putecante venneno,
i femmene fanno ’a spesa,
i bizzoche vanno a’ chiesa,
i piscature aspettano ’u buontiempo.
’A luntano accussì pare.
Pure Chiailuna
se presenta comme era ’na vota:
’na muntagna
tagliata a conca
ch’ abbraccia ’u sole
e ’u porta a mare.
’A luntano però…
pecché ’a vicino
chella muntagna chiagne
ind’ i rezze ’i fierro mprigiunata,
e se sfalda p’a disperazzione.
E ’a ggente
’nse ne mporta,
tira annanze
e aspetta
ch’u destino ce penza.
E isso già è all’opera,
già scumbatte,
pecché cca è ’n’arraffa-arraffa,
e ’u vecino mette causa p’u cunfino,
e i piscature abbandonano i mestiere,
e i giuvene scappane…
pecché ’u futuro s’hanno vennuto
chi guverna
c’a panza ’nturzata (1).
’U destino
ce sta mangianno ’a speranza
a muorze fine.
Note: 1 – gonfia.
Luglio 2008
la versione recitata
