di Francesco De Luca
Ponza è un paese che attende. In questo periodo, poi, in inverno… attende.
Aspetta
Patalano, ‘u pescatore ‘i rutunne,
se guarda ‘a varca ca sparpetèa (1),
terata a ccà e a llà da i cimme,
e aspetta
c’a rasacca schiatta ncuorpo (2).
S’ha dda stancà
stu mare ‘i punente
‘i sfrenà (3) ‘nfacc’ i banchine d’ u puorto!
Quanno fenesce sta tribbulazzione
sotto chillu baffetiello (4)
Patalano rire.
C’u mare ce ha passato ‘a vita.
‘A pitto (5)… era famma,
e ‘u mare susteneva
senza a pretenne niente.
Mo è cuntento:
a ogni figlio na casa
e na vecchiaia senza penziere.
C’u mare pe cumpagno,
fatica, alleria e chianto,
è addeventato signore
‘i tanto.
Note: 1 – sballotta; 2 – si sfinisce da sola; 3 – rompere ogni freno; 4 – baffetto; 5 – piccolo.
Questa la versione vocale
NdR: la foto di copertina è di Silveria Aroma
