di Nino Picicco
Proponiamo ancora un’altra immagine di Minicuccio. E’ cantata, ma il ritratto che ne sortisce è lo stesso: colorito e prezioso come un buon ricordo
Franco De Luca
.
Leggi le parole e ascolta il file musicale mp3:
.
Minicuccio
Oé, chi vo’ pesce… so’ i rutunne
A duiciento lire ’u chilo so’ p’arroste, puo’ magnà
A duiciento lire ’u chilo so’ p’arroste, puo’ magna’
Oé, è arrevata ’a bancarella
Ha purtato zi’ Santella…
Venne ’a stoffa, venne ’u filo e ’na veste te può fa’
Venne ’a stoffa, venne ’u filo e ’na veste te può fa’
E’ piccerillo, vocca storta, va p’a Piazza, ’ncopp’ i Scuotte
Tene na vucella ca se sente ’nt’a cantina abbasci’u Puorto
Oé, chi s’o scorda… Minicuccio
C’a spasella e ’a trumbettella p’u paese se ne va
C’a spasella e ’a trumbettella p’u paese se ne va
Oé, mena ’u banno… e t’avverte
Dice a’ i femmene ’i fa’ ’a spesa, trase ’u muorto ind’a chiesa
Dice a’ i femmene ’i fa’ ’a spesa, trase ’u muorto ind’a chiesa
Oé, chesta sera.. ’u paricchiano
Dice ’a messa e fa ’u suffraggio a’ bonanema ’i Pascale
Dice ’a messa e fa ’u suffraggio a’ bonanema ’i Pascale
Oé, è arrivato… ’u parrucchiere…
So’ moderne ’i ppermanente
Abbasci’a Ponta, ’a’ret’ ’u vico te fa bella pe’ tramente
Abbasci’a Ponta, ’a’ret’ ’u vico te fa bella pe’ tramente
Oé, int’u cinema, ’a dummeneca deve ’u spasso a tutt’a ggente
Oé, caramelle, ciucculate, aranciate chi vo’ beve
Oé, chi s’o scorda… quanno venne
Calamare, scurfanelle, scope e struglie e rafanielle
Calamare, scurfanelle, scope e struglie e rafanielle
E… già venneva… m’arricorde
’i centrelle sott’e scarpe p’è fa’ struiere chiù tarde
’i centrelle sott’e scarpe p’è fa’ struiere chiù tarde
E po’… nun sapeva… legge e scrive
ma nesciuno maie ’u batteva si ’nu cunto aveva fa’
ma nesciuno maie ’u batteva si ’nu cunto aveva fa’
Zero… porta zero… ’nse scappava
Chesta somma te faceva ’nse puteva maie sbaglia’
Chesta somma te faceva ’nse puteva maie sbaglia’
Ma ’u turista nun credeva, alla prova già ’u metteva
E ata robba s’accattava, chillu ’u cunto nun sbagliava
Oé c’amma dice… ati tiempe
Minicuccio ’a vocca storta nun t’u puote maie scurdà
Minicuccio ’a vocca storta nun t’u puote maie scurdà
Sempe dint’u core… dint’u core
Minicuccio nuie ’u tenimmo e nun pote maie muri’
Minicuccio nuie ’u tenimmo e nun pote maie muri’
Nino Picicco
Lino Pagano
1 Maggio 2012 at 20:05
E vai! Siete stati grandi! Mi associo alle vostre parole e musica… Vedete basta un niente per sviluppare nuovi ricordi, bravi! Un saluto a Nino, a Franco e a tutti gli altri amici.
Lino Pagano