di Francesco De Luca
.
Ritorno alla mia terra, disilluso.
’Sta grariata è ’na iastemma
Scennimmecenno accorto accorto
sempe deritto iammo ’u puorto,
ma… cca so’ rutte ’sti scaline,
si cado… m’ammacco i rine;
uno ce manca, ’n’ate se move,
sa’ quanta sciuliàte(1) quanno chiove?
Uh… Mado’…! Damme ’na mano
steve rucelianno(2) sane sane.
’Sta grariata è ’na iastemma,
ce rumpimmo l’uosso d’u cuollo.
Pozza scula’(3)…! ’N’ata vota!
Cca o me sbodeco(4) o me terrope(5).
Noo… ’sta scalinata è ’na disgrazzia ’i Ddie
chi m’ha cecato a piglia’ ’sta via …?
N’ce sta manco ’nu passamano…
’a cca iesce stuorte e si’ trasute(6) sano !
Però… ce sta ’na cappelluccia llà dinto:
’na Madonna… ’na lucella… duie fiure finte.
Quanta generazzione so’ passate…
’Nu segno ’i croce, ’na malaparola, ’na ’ppeccecata (7)
e po’… ce simme sperse ind’a vita.
Mado’… quanta fatica!
(1) – scivolata; (2) – cadendo in malo modo; (3) – mannaggia; (4) – rovino; (5) – cado maldestramente; (6) – entrato; (7) – bisticcio.
Qui la versione recitata:
