di Francesco De Luca
Questo è un ‘tipo’ non frequente.
Ce lo troviamo accanto quando l’occasione si presenta.
Per te è un momento di tentennamento… di sfiducia; per lui è l’occasione buona per prendersi tutta la scena.
Cerca gli applausi… e si guadagna fischi e pernacchie.
.
Prummette sicuro e vène meno certo
Uiccanno uì…
Mo vene isso
e acconce tutte cose
Ce vô pacienza…
aimmo suppurta’ pure stavota…
Allora ?
Allora … cu n’aria ’i vottafummo
ca pare sape tutto isso
se piazza ammiezzo e dice…
“Chesto va ccà…
chesto hè itta’…
Sta cosa è meglio ca ’annascunno…
chesto… forse… ’a mettimmo llà ’nfunno.
Che ce manca ?
Chello ca ce manca ’u mecco io,
nun ve state a preoccupa’
io songo ’u meglio ca ce sta.
’Uagliu’…
Aimmo fa’ bella figura…
io tengo faccia e cunuscenze…
cu me putite durmi’ tranquille ’i cuscienza.
Dimane…
apparo io ogne ’ntruppeco,
acconcio io ogne cose senza trucco ”.
Sì… biate a te…
Passe dimane
e passe pure ’na semmana…
L’hè visto cchiù tu ?
Manco ll’ombra…
L’amico è uno ’i chille ca
prummette sicuro
e vene meno certo!
Questa la versione recitata
