di Francesco De Luca
Petrusine ogni menesta
E… comme te sbaglie…
Sta sempe presente:
ind’a chiesa, abbasce u puorto,
‘ncopp’ u cimitero.
A tutt’ i poste
sta essa.
Duie fidanzate se so’ appececate ?
Na parracina (1) s’ è menata ?
‘U vapore a marcia indietro ‘ncopp’ a banchina s’ è ammaccato?
Essa sta llà:
ausuleia (2),
fa ‘a battuta,
mena ‘a zzeppa (3).
A te dà raggione,
a isso dà tuorto;
s’ ha piglia c’ u patre, c’ u nonno,
cu i vive e cu i muorte.
Mette becco ind’ a pulitica…
locale e internazzionale.
A tutti tene testa
petrusina ogni menesta (4)
Note: 1 – muro a secco, 2 – ascolta; 3 – motteggia; 4 – prezzemolo in ogni minestra.
Versione recitata
