di Francesco De Luca
Ponza, Via Umberto
(da Frammenti di Ponza)
Ci siamo quasi tutti: io, il vicino, tu, mio cugino…
Ianàra
Steve turnanno a casa, a via Umberto,
quanno ‘a copp’a via
ascette Mamèna,
cu na voce stesa,
alluccanno contro a Rusaria
c’ aveva appicciato (1) i frasche for’ a casa,
affummecanno (2) lenzole e vestite spase.
Madò…
na vummecata (3) ‘i iastemme.
cu muorte e stramuorte,
sante e madonne.
Nesciuno mettette ‘u naso for’ a porta
e Mamena se ne vedette bbene.
Decette na litania
ca nemmeno ind’a chiesa.
Io,
me ne fuiette a casa
e mamma mia pe me calmà decette:
Rusaria è na ianara (4),
si nun sfoga
nun diggeresce,
si n’allucca
patesce.
A sape tutta ‘a ggente
ca si nun sbotte
schiatta.
Note: 1 – acceso; 2 – affumicando; 3 – vomitata; 4 – iena;
di seguito la versione recitata
