di Francesco De Luca
Faccio finta di nulla ma… molti mi rassomigliano!
Sprùcete
Ind’ a nu paese
peccerillo comm’ è Ponza
è difficile fa’ i fatti
senza c’a ggente ‘u vene a sapé.
Eppure ‘i chist’ omme
nun se sape niente
pecché nun ce esce nu cicero (1) ‘a vocca.
Sta malato?
E’ partuto?
‘A mugliera tene ‘u covid?
‘U figlio ha pigliato ‘a patente?
Niente…
nun tene cunfidenza…
e nun dà suddisfazzione…
è n’omme chiuso
comme stesse ‘mprigione.
Quanno ce sta
è comme si ‘nce stesse,
e quanno ‘nce sta
se respira leggerezza.
E’ sprùcete (2)
comme nu limone fracede,
nu pallone sgonfio…
na pasta scotta.
Mo tene scuorno (3)
e mo è indisponente,
mo s’ annasconne (4)
e mo allucca (5) prepotente.
“Luì… vattenne ‘a vecino a me…
m’ avessero piglià pe parente a te!
Tu sì comme n’ambero (6):
si ncuocce (7)
fai torce (8) ”.
Note: 1 – cece; 2 – vergognoso, permaloso, indisponente; 3 – vergogna; 4 – nasconde 5 – grida; 6 – amo; 7 – aggancia; 8 – dai dolore.
questa la versione recitata
