di Francesco De Luca
Una volta entrato… è difficile uscire dallo zoo.
Vocca ‘i sguessa (1)
N’aggio ‘ncutrata una
e nun m’ a pozzo scurdà.
E’ na vasciaiola… (2)
ca va piazza piazza pe se téne nfurmata.
Sape i fatti ‘i tutte quante
e mena ‘u banno p’ u paese.
Si… pe disgrazzia ‘i Ddio…
càpete dint’ a chella màcena
ne iesce cu ll’ ossa ammaccate,
‘a capa rotta
e i piede ncruciate.
Signurina trase
e gravida iesce…
…’a fidanzata…
te truove nsurata…(3)
…femmena casa e chiesa
addeviente puttana ‘i paese.
Cu chella sguessa (4),
d’a vocca esceno parole grosse
Nse tratténe,
vocca ‘i sguessa è matta maligna… (5 )
nce sta scuorno
c’ a frena.
Note: 1 – malalingua, pettegola e maldicente; 2 – donna di strada ; 3 – sposata ; 4 – mento pronunciato ; 5 – stupida e cattiva.
Questa la versione recitata
