di Francesco De Luca
Persone e volti.
Posture e tic.
Inclinazioni e desideri
‘A bezzoca (1)
Na vota iette a Magiugore… (2)
cu tutta ‘a cungrega d’ a chiesa.
Ind’ u purmanno… (3)
rusarie e litanie.
Ind’a basilica
canzone a Gesù e Maria.
Se ne vedette bbene!
‘U marito? ‘U lasciaie a Ponza…
chillo è nu peso muorto…
ma… s’ hadda suppurtà
pecché accussì cummanna Domeneddio.
‘A gita a Magiugore
fuie na vera festa.
Accattaie pure i regale p’i nepute…
e nu penzierino p’a casa…
E p’u marito?
Vulette accattà n’amaro…
chello ca se beve … nu bicchierino a sera… vedenno ‘a televisione.
Allora: “Amaro Negramaro, Amaro Tuttamaro…
no… no…
piglio l’Amaro con lo sparo…- decette –
potesse ca fa effetto a maritemo…
vulesse sta grazzia…
Madonna mia bella”.
Note: 1 – bigotta; 2 – Medjiugorje; 3 – pullman
Boffacazone
Pecché ‘u chiammeno accussì?
E nun ‘u vvide?
Io nun veco niente…
…’u pover’ omme me pare normale…
Ma… chille… è normale…
nce sta niente ‘i strano…
surtante… si guarde bbuono llà…
vide ‘a boffa… (1)
comme na palla ca ‘ntorza (2) ‘u cazone…
Mo ca m’u staie decenno…
…è vero
E allora?
Allora a ‘u puveriello
c’ è asciuta
l’ernia …
Isso ha tene protetta cu na fascia
e cerca ‘i fa’ meno sforze possibbile.
I cumpagne ce teneno riguardo…
ma ‘u soprannomme
ce l’anno affibbiato:
‘Tonino ‘u boffacazone ‘.
Ca pare… chi sa quale miraculo sta annascuosto llà sotto
e invece tene na magagna
ca nun solo se vede
ma pure pogne!
Note: 1 – rigonfiamento; 2 – gonfia;
Le poesie recitate
–
