di Francesco De Luca
.
Mette viento
I fronne musechéino,
e ’ncielo i nuvole corrono.
Appreparete…
A terra pare ca se chiude:
fa comme zi’ Carmela
ca nserra i feneste,
arretira lenzole e veste.
Mette viento…
N’ata cimma ‘i poppa
te rassicura p’a notte,
si no ’u penziero sbatte.
“M’arretiro Vecié’….
veco si i ’uagliune stanno a’ casa,
stu tiempo nun me piace”.
’Nse trattène ’a ggente
e ’u paese addeventa
muto e cecato.
Mette viento…
Ll’aria nun permette allerìa,
preparammece a suppurta’
chello ca manna ddio.
e, di seguito, la versione recitata
NdR: la foto di copertina è di Silveria Aroma
