di Francesco De Luca
.
Diventa sottile la presenza dell’estate in questo settembre che ammalia col suo scemare, col diventare lieve, opacizzando l’enfasi. Con le piogge utili, i mari in tormento discontinuo, i venti in rivolta.
Dal poggio aereo, a Ponza che si strugge, in poltrona, nasce un canto.
Ventariello ’i settembre
Fricceca (1) ’stu ventariello stasera
ncopp’ i spalle annude (2).
Me fa senti’ cchiù vivo
e cchiù appaciato (3)
cu ’sta staggiona
ca ce ha acciso ’i caudo, chist’anno.
Settembre freccecariello (4)
sta assummanno (5) c’a capuzzella
e ce dice ca niente è pe’ sempe.
Mannaggia ’a nustalgia…
e mannaggia a ’sti sentemiente
ca cu ll’aità se fanno sempe cchiù presente.
Dimane sarrà meglio d’aiere
si arapimmo ll’uocchie
e defendimmo a libbertà guadagnata.
’Nce sta niente ’a fa’:
tutte ce vonno arrubba’
i penziere, ’a faccia e ’a dignità.
Chi parla… e mosta ’a croce,
chi vulesse cummanna’… c’u duce,
e chi dice… ma nun fa chello ca dice.
’N’ata staggiona prepara settembre…
Vestimmece d’accurtenza
e ghiammo annanze.
Note: 1 – stuzzica; 2 – nude; 3 – sereno ; 4 – frizzantino; 5 – spuntando.
Questa la versione recitata:
