di Francesco De Luca
M’ ha baciato ‘u cielo
Calma ’ ncielo
e ’ nterra n’ ammuina senza fine.
E’ notte ’i miezz’austo
e ’a staggiona fuie,
macenanno fatiche e guadagne, pazzarie, giuvinezze e bagne.
A mare: varche e luce d’ogni manèra
ca fanno paré’ Ponza ’ na bumbuniera.
’A copp’ ’ u ciglio guardo
e me faccio arrevuta’ da i penziere.
’ Stu paese
s’ammeretasse cchiù accurtenza
e invece è nu pazziello
ca tutti fanno gira’
pe ghienche ’ u bancariello.
E pure io, io pure
vulesse ca nun venesse meno chistu lascito
e me raccummanno, a chi tene u potere,
’ i tené’ caro chello c’a natura ce ha regalato.
Aizzo ’ a capa
pe vedé’ si ‘ncielo saglie ’ stu desiderio
e veco ’ nu fuoco ca, cadenno, brilla,
avvampa ’ nu poco
e po’ se stuta.
’ U cielo m’ha ditto sì
e m’ ha baciato comme ’ nu frate,
forte e delicato.
Questa la versione recitata
