di Francesco De Luca
Chi è stato?
Dint’a nu ‘spitale abbandunate,
chiuse ind’ i case ‘mpurtellate,
muorte senza ‘na lacrima d‘i figlie,
a centenaie ind’i scutille ammassate.
Sai tu chi ce ha menate ‘sta iastemma ?
Nun è ‘na iastemma
e nemmeno ‘na maledizzione…
è chello ca succede
quanno se torce ‘a natura
a i commode nuoste
senza crianza e senza paura.
Tu dummanne… chi è stato ?
Simme state nuie,
tutte quante nuie, senza distinzione.
Quanno mettimmo annanz’a ogne cosa
‘a rraglia e no ‘a raggione,
è storia vecchia:
‘a natura ce piglia a schiaffune.
