di Francesco De Luca
.
Schezzecheie
Manco te n’accuorge…
cammine, traffeche, te muove
e chelle guccetelle se ’nfileno ind’i spalle,
’ncopp’u giaccone,
dint’u cazone.
Te truove bagnate senza sape’ comme,
e ’a capa è anfosa
e siente ll’ummede
dall’acqua sperciata.
Schezzecheie…
mannaggia ’a miseria…
Meglio ’na gruppata d’acqua vera
almeno te repare.
Accussì te truove raffreddato
senza colpa!
“Arreparete… sta schezzechianne
– allucca ’a mamma a ’u uaglione –
nun piglia’ ll’acqua ’ncapa
ca te ’nfracede i purmune ”.
Questa la versione recitata:
