di Francesco De Luca
Il miracolo della nascita di Gesù si rinnova inspiegabilmente anche a Ponza.
Trova tutti impreparati, ma il Ponzese non rinuncia al suo dono e il suo animo genuino trova il modo di impreziosirlo.
’Nu rutunno pe’ Gesù
Quanno nascette Gesù
ie nun capette niente cchiù.
’Ncielo, chin’ i stelle
e ’nfunno, manco ’na patella,
’nu ’scorfano, ’na raia, ’na mennella.
Hai voglia ’i guarda’ c’a lampara:
’nu deserto pareva tutt’u mare.
Ie vugavo c’u lanzaturo mmano
e me pareva ’nu poco strano
c’addò avevo pigliato ’u purpetiello
’nse vedeva passa’ manco ’nu scuncillo.
Po’ ’na luce d’u cielo scennette
e ll’uocchie ’i vede’ nun putetteno.
’Na voce ’i chiesa spiegaie ogne cose.
Arrancaie pe’ turna’ a’casa,
pe’ vede’ pure ie ’u miracule’i Dio
ca s’è fatto pitto comme ’u figlio mio.
Ma po, che ghieve cu’ ’i mane mmano ?
’Nce purtavo proprio niente
a chillu Dio pezzente ?
No, ’nu pescetiello aveva piglia’ ’a chillu funno.
Fuie accussì ca purtaie ’nu rutunno.
Uno sulo, comme ’na rarità,
pe’ nun sfigura’ cu’ tanta puvertà.
.
Questa la versione recitata:
fortunato pellegrini
27 Dicembre 2015 at 16:40
Bella la poesia, splendida se recitata da Franco