di Franco Schiano
Ripresa dal sito ponzacalafelci.com con l’autorizzazione dell’Autore.
La Redazione
.
Isola mia sovrana
.
So mille e mille anne ch’u mare te fragne ‘ncuolle
e ‘ncoppe i scoglie che te stanne attuorne,
ch’u viente sesche ammiezze i cavuni e saglie pe’ pettate,
ch’a vote t’alliscia chiane e a vote cchiù ‘nncazzate
e pare che tutte avesse fernì ‘a nu mumente a’ nate
Ma tu isola mia sovrana cà sempe stai
Te so’ passate tempurale e terremote,
cenere e lapille ‘a ciele so cchiuvute,
uommene disperate t’hanno abbelute,
sarracini e spagnuoli s’anna abbuffate,
pure ‘nglisi e giacubini cà se so’spassate.
Ma tu isola mia sovrana cà sempe stai
Se dice ch’a storia rutulèa sempe,
mo, l’aria è cupa, chiove a zzeffunne
e ‘ na cappa i chiumme t’arravoglia,
te vonne arrubbà lavoro e dignità
e i figli tuoi fore, vonne scaccià.
Ma tu isola mia sovrana cà sempe stai
Ancora chiù bella assai
Nota
Anche le foto – Mareggiata alla Parata – sono state riprese dal sito citato
