di Francesco De Luca
Ha ditte mamma c’u pruove
.
’A giuventù d’ogge
tène ’a mangiatora avasce.
Papà e mammà stanno sempe arrète:
“Nun te sfurza’, figliu bello!”
“’Nte preoccupà, ’a mamma soia!”
“Pigliatello ’i reposo, gioia d’a casa!”
Tutt’accussì:
teneno ’a mangia’ e beve,
’i sorde ind’ ’a sacca,
e nesciuna preoccupazzione.
Ma po’, pure pe’ lloro
vene ’u tiempo c’hanna suga’ ’u limone.
Allora addeventeno nervuse,
mangieno poco e senza cundimento
pecché ’a fatica ce fa veni’ l’esaurimento.
“Uagliò, guadagnete ’a iurnata,
tiene a mente
ca se mange vierno e ’state,
’a vita è ’na fulata ’i viento,
viestete a nuovo,
ha ditto mamma c’u pruove!”
