di Francesco De Luca
Dice Franco che tiene da parte questa da quando ha colto ’u puparuolo; non vorrebbe che diventasse secca, senza sapore.
L.R.
’A mulignana fresca
“ Accattàte addu me…
tengo ’a mulignana fresca …”
Sì… sì… cu’ ’sti mulignane
’nne pozzo cchiù.
Ogne semmanna
faccio ’a parmiggiana
pecché a’ casa mia
ce piace comme u pane.
’Agge fatte pure a fungetielle
cu ’nu poco ’i puparuliello,
pe’ ce da’ n’aiuto
a mariteme Aniello.
A varchetta, ogne tanto,
cu ’nu sughetto,
pummatore e vasinicola,
comme faceva ’a nochera mia
ca sta ind’a gloria ’i Ddio.
Po’ ’i faccio pure cott ind’acite,
ca comme antipaste
arapeno u stommaco e l’appetito,
e certi vote, pe’ mangia’ robbe ’i staggione,
ce faccio pure a pasta
e… aggia dice…
me dà suddisfazzione
“Accattàte addu me…
tengo ’a mulignana fresca…”
Eh… chesta mò ’a venne pure fresca
…’a mulignana…
fammene ì…
si no i cervelle…
che vanno a capi’…
.
Ascolta il componimento in file .mp3 della voce dell’Autore:
.
‘I mulignane a fungetielle
