di Francesco De Luca
Per gli altri articoli della serie, digita – Detti come confetti – nel riquadro CERCA NEL SITO, in Frontespizio
Ascolta qui il file mp3 :
’A figlia ’i Verucciello
Hè saputo d’a figlia ’i Verucciello?
Dopp’ ’a laurea ’u patre
n’ha fatta ì a nesciuna parte cchiù.
Chella, ’a figliola,
vuleva sta ancora all’università
p’a specializzazione.
Macché… ’u patre s’ha tenuta a Ponza,
pe’ duie anne.
’A figliola c’ha fatt’…
ha partecipato a ’nu concorso
e se n’è gghiuta a’ ’Merica.
E llà ha fatto carriera.
Mò… nun saccio…
è ’a direttrice ’i ’nu reparto
ind’a ’nu grande spitale.
E’ venuta p’ a festa ’i san Silverio
cu ate tre o quatte perzone.
…E chi ’a serveva a ’cca
e chi ’a riveriva a llà…
Tutte… appriess’ a essa.
Verucciello comm’e ’nu locco
arapeva tanto d’uocchie.
Ha capito finalmente:
’a vela
va truvanno
’u viento.
