di Francesco De Luca (Franco)
.
Guarda llà… Pascale ‘i Ciomme
comme è deventato..?
’Nu piezz’ d’ omme… era
e mò s’è ’ncurvato
ca pare tocca ’nterra.
E ancora zappuléa,
ancora sceppenéa… sotto ’i vite.
’Na vita a carria’,
aizza’ parracine,
a trafecà…
c’ha guadagnato ?
Povero era e povero è rimasto.
’U ditto nun sbaglia:
chi fatica tene ’a gobba
e chi arrobba
tene ’a rrobba.
.
(da Francesco De Luca – Racconto i proverbi ponzesi – 2013)
