di Franco De Luca
.
Leggi e ascolta la poesia dalla voce dell’Autore:
Ind’ ‘a vernata
’Sta cannafeola s’è ’nfracedata
aspettanno ca fenesce ’a vernata:
acqua, viento
c’ammusciamiento
sempe chiuse comme dint’ a ’nu cunvento.
Quanno vene a primmavera
ca pigliammo ’u sole fore ’ll’ ara
gudennece ’a cumpagnia e ’ll’aria fina
ca ce porta ‘a vasce andore d’a marina.
Votte abbasce ’stu ’rasiere
c’ha ’ffummato matina e sera:
voglio senti’ u sole nfaccia
m’adda scarfa’ i piede, i spalle, i bracce.
Ma ‘u siente ’u petterusso
ind’i rustine comme se spassa,
frulla e canta ’na bellezza
e tutt’ attuorno mette allerezza.
Sì, però, è pugnente a tramuntana,
chiude, chiù, ’nserra a persiana,
brrr, che friddo ind’i rine,
pozza scula’ ’stu vierno ca nun tène fine.
Francesco De Luca
