Pe Iss’ (20 giugno)
Oggi è nu iuorn’ che nu’ Punzés’ nun s’u’ scord’,
Pe Iss’ so’ venut’,
’A gent’, da tutt’i part’ d‘u munn’ so’ turnate,
Pe Iss’ so’ venut’ ccà
I piscatùr’ stann’ tutt’ ‘n’du puort’,
Pe Iss’ so’ venut’ cà
Che fest hann’ appreparàt’: pe Iss’
Iss’: chi è Iss’,
sul’ u’ Punzés’ u’ ssap chi è Iss’
Dind’ i’ mument’ i’ tristezz’
Ce sta Iss’
Dind’ i mument’ i’ luntananz’
Ce sta semp’ Iss’
Dind’ i mument ‘i malatìa
Ce sta semp’, semp’ Iss’
ISS’ te pozz’accumpagnà,
cheste song’ i pparol’ ‘i chi te vo bene
Iss’ se no Iss’ song’ i pparole d’i Punzìs’.
Vatténn’ cu’ nomm’ ‘i S. Silverio,
Iss’, te pozza accumpagnà
Iss’, che nu far’ dind’ i nott’ scure, accumpagn’ u’ marenàr’
Pe Iss’ so’ venùt’
Pe Iss’ ca so’ turnat’ ccà
A truva’ Iss,
Grazie San Silvé’… mittece semp’ a’ mana toia.
*
Da Ponz’ u’ ffien’
Che fatica oggi, cu ‘na iurnata ‘i sol accussì
‘sta sagliuta è pesant’, t’a fai chiàn’ chiane
saglie e te firm’, t’asciutt u’ sudòr’ e t’assìtt’
i’ ppret’ so’ cucènt’, ce stai poc’ assettàt’
u’ sol’ è semp’ chiù càud’, se fa semp’ chiu pesant’
‘sta sagliùt’, addò u’ ciuccie fa fatic’ pur’ iss a saglì…
Stamm’ arrevann’ ngopp’ a ‘Uardia, addò se vede
Ponza, Zannone e Palmarola: cu ‘na man’
se ponn’ accarezzà. Ma chist’ è nu’ paravìs’!
Iamme annanz’ p’a vie che scenn u’ ffien’,
semp’ chiù stanche p’a fatic’ e u’ sol’ cucent’.
M’assett’ for’a cantin’, cu nu’ bicchier’ ‘i vine mman’
i viecchie che steven’ ccà , sul’ d’u’ ricuord’
tu ‘i può penzà , che vita hann fatt’
sott’ a ‘stù sol’ cucent e i’ sagliùt’ pesant’.
Giuann’ a’ Russiell, Giustìn’, Luigin’ e Razziell’
Giuanne Boffacazone, ‘Ngiulille, u’ Shaffèr’ e tanti altri…
.
Catello Lino Pagano
